TERCEIRO
ASTÉRIX EL GALO
É moi simpático porque os Galos sempre lle daban
unha malleira aos Romanos, grazas a unha poción
máxica.
Lino por primeira vez hai un mes. Ao principio non
me gustou moito, pero dispois foime gustando máis
e máis.
Recoméndolles aos meus amigos que lean"Astérix el Galo".😃😃😃😃😃
Mateo Mayo Caamaño
CONTOS BONITOS PARA QUEDARSE FRITOS
É a historia dun pai moi canso e unha nena coas pilas cargadas que non quería durmir e o papá cóntalle unha serie de contos moi bonitos e divertidos para quedar fritos... e así pasa...quédanse durmidos os dous.
O conto que máis me gusta dos que lle conta á nena é un que se titula " Almorzo sorpresa".
Conta a historia de dous nenos, Alba e Pedro,que son irmáns e lles queren dar unha sorpresa aos seus pais, preparándolles un almorzo sorpresa á mañá seguinte. Pero Alba e Pedro están toda a noite espertos planeando a sorpresa e á mañá seguinte quedan durmidos... outro día será!
Este libro gústame moito porque eu intentei facerlles un almorzo sorpresa a papá e a mamá, pero como eles espertan antes ca min, nunca o conseguín. Pero sigo intentándoo!!
Sabela Siaba Sánchez
UN "PRINGAO" TOTAL
O meu libro favorito é de Diario de Greg, "Un pringao total". Este libro trouxéronmo os Reis Magos na casa da miña tía Mari e o meu tío Stuart que viven en Cee e xa o lin durante o Nadal.
Nunca tivera un libro coma este, pero gustaríame ter a colección enteira.
O libro trata dun neno chamado Greg que comeza ao instituto. El é moi, pero que moi travieso. Pásanlle moitas aventuras. Ten un pai chamado Frank, unha nai chamada Susan; o seu irmán grande, chámase Rodrick, e o pequeno Manny. Ten un amigo, Rowley, que tamén é moi travieso.
Hai moitas historias divertidas, pero a que máis me gustou foi cando en Halloween, Greg e Rowley foron a pedir chuches e encontráronse cunha pandilla de rapaces e fixéronlles burla. Escaparon e foron para a casa da avoa de Greg. Cando ían polo camiño , o pai de Greg tiroulles auga e molláronselles as chuches.
Fai moitas trastadas como meter calcetíns na roupa para parecer que ten músculos ou asustar aos nenos con vermes e dicir que non foi el.
Gústanlle os videoxogos coma a min. Encantaríame ler todos os libros de Greg!!!
Manuel Lago Trillo
UNHA PARELLA DIFERENTE
O meu conto preferido é "Unha parella diferente". Regaláronmo en Pascua cando era máis pequena. Lino máis de tres veces porque é moi divertido.
Trata dunha parella diferente porque son unha xirafa e un crocodrilo que vivían xuntos. Aos outros non lles gustaba esa parella porque era moi rara.
Unha casa ardeu e a xirafa axudou a sacar as persoas, pero non chegaba ao último piso. Así que o crocodrilo subiu e foi sacando as persoas pola ventá.
O último en baixar foi o crocodrilo que non era capaz porque tiña medo. Pero pechou os ollos e saltou pola fiestra.
Inés Beiro Trillo
EL CLUB DE ELA NOS VAMOS DE GIRA
O meu libro favorito é "El club de Ela nos
Trata dunha nena que fixo un clube. Un día cando estaba coas súas amigas viron uns chicos. Foron a súa casa e dixéronlles que estaban de xira por Miami.
Elas pedíronlles permiso aos seus pais e foron. Pasárono moi ben.
Gustoume porque a min encantaríame ir a Miami, e, tamén, porque é moi divertido.
Antía Ovies Lariño
DIARIO DE GREG
Os meus libros preferidos son os de "Diario de Greg".
Estes libros tratan da vida dun neno adolescente e da súa familia. Tamén contan todas as historias que lle pasan a Greg no instituto.
Empecei a ler estes libros despois de ver a película, que trata do mesmo, na televisión . Dende aquela os meus pais empezaron a regalarme os libros, e agora estou facendo a colección.
Gústanme moito porque o neno é patoso e pásanlle cousas moi graciosas. Ríome moito.
Fabián Gómez Beiro
TIBURONES
y otros depredadores marinos
Gústame porque é do mar e trata sobre animais. Empeceino a ver cando tiña sobre cinco ou seis anos. Trata de como viven os peixes, cangrexos e tiburóns. O que máis me gusta é que fala das distintas especies de tiburóns
Xoel Riveiro Caamaño
No hay comentarios:
Publicar un comentario