XOVES, 23 DE ABRIL DÍA DO LIBRO

 Bos día a todos e a todas. Non percibides algo distinto no ambiente? A que si? Claro, é que hoxe é un día moi especial, hoxe é o Día do Libro. 

  E os días especiais hai que facer cousas especiais, non si? Pois eu hoxe propoño facerl A GRAN XINCANA DO LIBRO. Apetécevos? Pero claro, antes teredes que saber en que consiste. Pois moi atentos e atentas que aí vai  a explicación:

• Imos facer 17 probas. Unha serán de habilidade, outras de memoria, de atención,... 
• Con cada proba que pases (vós ides ser quen decida se está conseguida ou non. Podedes facer trampa, pero supoño que ninguén quere ser tramposo/tramposa ante si mesmo...) conseguirás unha letra, hai 17 letras distintas.
• Unha vez conseguidas as letras deberás completar tres palabras. 
• Quen logre completar as palabras secretas conseguirá o diploma da xincana do día do libro.
• Por suposto podes pedir axuda á túa familia.
• As solucións, para que poidas correxir aparecerán ao final da xincana.

  Anímaste a participar?

   Pois, coloque o seu asento en posición, abroche o seu cinturón e prepárese porque despega esta trepidante: 

GRAN XINCANA DO DÍA DO LIBRO

1.- Berenguela e o seu can Pelouro están convidados ao baile que dá no seu castelo o mago Merliño. Podes axudalos ti a atravesar o bosque de Tindarín?

          

Superando esta proba consegues a letra C

2.- Escribe o título de tres contos nos que apareza unha bruxa:

• .......................................
• .......................................
• .......................................

Superando esta proba consigues a letra L

3.- Cada ovella coa súa parella. Relaciona estas catro obras co seu autor/autora:

          ROSALÍA DE CASTRO                                      OS DOUS DE SEMPRE

     MIGUEL DE CERVANTES                                       HAMLET

     ALFONSO D. R. CASTELAO                                       DON QUIXOTE

     WILLIAM SHAKESPEARE                                       FOLLAS NOVAS

Superando esta proba consegues unha letra E

4.- A solución deste xeroglífico vaiche soar moito...

                                          

Superando esta proba consigues a letra  R

5.- Unha proba de dición. Para superala terás que recitar de memoria sen trabucarte este trabalinguas: 

Debaixo dunha pipa tinta

hai unha pita pinta;

cando a pita tinta pinga,

a pita pinta pía.

Superando esta proba consegues a letra U

6.- O 23 de abril celébrase o día de San Xurxo. Din que este santo foi quen de matar a un dragón que tiña atemorizada a toda unha aldea e liberar á princesa á que a fera tiña prisioneira. Para superar esta proba terás que debuxar e colorear un dragón, podes seguir as indicacións:

          

Superando esta proba consegues a letra T

7.- Soponcio de letras. Se queres escribir e ilustrar un libro probablemente precises este material, atopa estas 12 palabras nesta sopa de letras para superar esta proba.

                        

Superando esta proba consegues a letra D

8.- Adiviña, adiviñanza: 

Estou pensando, pensando,

de pensar vólvome tola.

Coa sogra da muller do meu irmán,

que parentesco me toca?

 Superando esta proba consegues a letra S

9.- Fisonomía. Quen é quen? Debaixo destas suxestivas gafas agóchanse Daniel R. Castelao, William Shakespeare, Miguel de Cervantes Saavedra e Rosalía de Castro. Atréveste a desenmascaralos?

Superando esta proba consegues a letra M

10.- Unha de premio. Nesta proba non tes que facer nada. So disfrutar deste divertido conto "A pota que trota".

Superando esta proba consegues unha letra E

11.- Proba de creatividade. Na editorial C.E.I.P. de Carnota vaise publicar o libro "O mago  Revirolo e o porco enmeigado" da escritora Bríxida Rexoubeira. Diseña ti a portada. Non esquezas incluír o título do libro, o nome da autora e o nome da editorial.

                              

Superando esta proba consegues a letra V

12.- Desorde na biblioteca. Logo de facer limpeza na bilbioteca as letras dos títulos destos catro contos quedaron totalmente remexidas. Serás quen de poñelas en orde?

• O PAÑOR GIL  _ _ _ _ _ _ _ _ _ 
• CANTINCE _ _ _ _ _ _ _ _ 
• NEVEN CABRAS _ _ _ _ _ _ _ _ _ _ _ 
• PAN LUCRE _ _ _ _ _ _ _ _ 

Superando esta proba consegues a letra A

13.- Observa con atención e descubre oito diferencias entre estos dous debuxos: 

Superando esta proba consegues unha letra E

14.- A lenda di que cando o cabaleiro san Xurxo matou ao dragón, do sangue do monstro xurdíu unha roseira. San Xurxo colleu unha rosa e agasallou con ela á princesa. É por iso que en Cataluña hai a tradición de agasallar todos os 23 de abril, día de san Xurxo, aos seres queridos cun libro e unha rosa. Pois ben, para superar esta proba deberás prestar moita atención ao seguinte vídeo onde se explica como fabricar unha rosa de papel. Logo probarás a facela ti, e unha vez feita agasallarás con ela a alguén da túa familia, claro que tamén podes facer unha para cada un dos teus familiares...

Superando esta proba consegues a letra I

15.- Agudeza visual. esta pobre nai quere comezar a preparar a comida pero non  porque o seu fillo extraviou algunhas cousas no cuarto de baño. Podes axudarlle a localizalas? 

Superando esta proba consegues a letra N

16.- A ver que tal andas de cultura literaria. Presta atención ás definicións e resolve este pequeno encrucillado.

Superando esta proba consegues unha letra E

17. E agora a última proba. Esta está pensada para descubrir a túa sensibilidade poética. Terás que completar o seguinte poema de Gloria Sánchez utilizando as seguintes palabras: 

titiritonto, titiriteiro, titiritón, titiritelo, titiritolo

O MEU TÍO TIMOTEO

O meu tío Timoteo

titiritairo - ........................;

ten un bote tolo

titiritairo -........................ .

O bote tolo un timón,

titiritairo - ....................... ;

o timón un tarabelo,

titiritairo - ....................... .

E aquí rmata este conto,

titiritairo - ....................... . 

Superando esta proba consegues a letra G

 Ben amigos e amigas, chegou a hora da verdade. Xuntando todas as letras que fúchedes conseguindo seguro  que sodes capaces de completar o nome do escritor, autor de "O inxenioso fidalgo don Quixote da Mancha" que finou un 23 de abril e ao que recordamos no Día  do Libro.

 _ _ _ _ _ _   _ _   _ _ _ _ _ _ _ _ _

Se fuches quen de superar con éxito as probas desta xincana. Noraboa, o diploma do Día do Libro xa é teu.

Non tés máis que imprimilo e cubrilo co teu nome e apelidos.

SOLUCIÓNS ÁS PROBAS:

1.-

2.-Por exemplo tres dos seguintes:  Carapuchiña Vermella, Brancaneves, A casiña de chocolate, Rapuncel, .... 

3.- Rosalía de Castro - "Follas Novas"

     Miguel de Cervantes - "Don Quixote"

     Alfonso D. R. Castelao - "Os dous de sempre" 

     William Shakespeare - "Hamlet"

4.- O M onte do P indo → O Monte do Pindo

7.- 

8.- É a miña nai.

9.- Son: Rosalía de Castro

              William Shakespeare

              Daniel R. Castelao

              Miguel de Cervantes Saavedra

12.- POLGARIÑO

       CINCENTA

       BRANCANEVES

       RAPUNCEL

13.- 

15.- 

                       

16.- 1-PEDRO, 2-TINTÍN, 3-CATALUÑA, 4-ANDERSEN, 5-BOLECHAS, 6-ELMER, 7-WILLIAM. 8-ABRIL, 9-CERVANTES, 10-OBELIX 

17.- O meu tío Timoteo

       titiritairo - titiriteiro;

       ten un bote tolo;

       titiritairo - titiritolo.

       O bote tolo un timón,

       titiritairo - titiritón;

       o timón un tarabelo

       titiritairo - titiritelo.

       E aquí remata este conto,

       titiritairo - titiritonto.

PALABRAS SECRETAS:

  

MIGUEL DE CERVANTES

SOLUCIÓNS ÁS PROBAS:

1.-

2.-Por exemplo tres dos seguintes:  Carapuchiña Vermella, Brancaneves, A casiña de chocolate, Rapuncel, .... 

3.- Rosalía de Castro - "Follas Novas"

     Miguel de Cervantes - "Don Quixote"

     Alfonso D. R. Castelao - "Os dous de sempre" 

     William Shakespeare - "Hamlet"

4.- O M onte do P indo → O Monte do Pindo

7.- 

8.- É a miña nai.

9.- Son: Rosalía de Castro

              William Shakespeare

              Daniel R. Castelao

              Miguel de Cervantes Saavedra

12.- POLGARIÑO

       CINCENTA

       BRANCANEVES

       RAPUNCEL

13.-

15.- 

16.- 1-PEDRO, 2-TINTÍN, 3-CATALUÑA, 4-ANDERSEN, 5-BOLECHAS, 6-ELMER, 7-WILLIAM. 8-ABRIL, 9-CERVANTES, 10-OBELIX 

17.- O meu tío Timoteo

       titiritairo - titiriteiro;

       ten un bote tolo;

       titiritairo - titiritolo.

       O bote tolo un timón,

       titiritairo - titiritón;

       o timón un tarabelo

       titiritairo - titiritelo.

       E aquí remata este conto,

       titiritairo - titiritonto.

PALABRAS SECRETAS:

  

MIGUEL DE CERVANTES