Os gatos quedáronvos chulísimos!!
Máis relaxados , non?
Merecedes o tempo de descanso e de ocio, despois do esforzo.
Onte a profe Cris púxovos as correccións de Naturais que quedaban sen facer, digóvolo porque neste momento, cando estou escribindo isto, so un/unha de vós accedeu a esa entrada, é por se non a vistes. Tampouco nada máis que cinco alumnos/as viron as correccións que puxen eu, (téñovos contolados/as 😊😊). Bueno, se non mirastes é porque xa sabías que tiñas todo ben, ah que sí?
Dicirvos que se durante o verán, queredes enviar algunha noticia que vos gustaría compartir cos vosos compañeiros /as, enviades o texto, a foto, o que sexa ao meu correo e eu súboa ao blogue. Por exemplo, cando vos nazan as fresas, ou outra nova calquera que vos faga ilusión que os demais a saiban.
No verán son vacacións , pero durante as vacacións lense libros divertidos ( de texto NON), por eso é importante que todos os días leades algún conto, capítulo dun libro, cómic... porque o ler ademais de ser entretido, válenos para que durante o curso entendamos mellor todo.
Vouvos enviar a Guía de Lectura do verán aos vosos correos e póñela no blogue, por se vos sirve para orientarvos nas lecturas.
As notas, en xeral, son boísimas , tiven moi en conta o traballo que fixestes neste tempo de confinamento e fíxose media coas outras avaliacións. Enviaranse o venres, creo, por Abalar.
Para o ano que ven ides ter que aguantarme a min outra vez. Ao mellor a vós non vos fai moita ilusión pero direivos que a min si, porque este ano estiven moi contenta sendo a vosa titora.
Despois deste testamento (rollo patatero) imos coas últimas actividades.
GÚSTAVOS O CINE, VERDADE?
Pois imos ver unha de libros!
Que vos pareceu? Non se poden literalmente"comer" pero si devorar porque todo, todo, todo está nos libros!! Si, sí en Internet tamén, pero para que haxa Internet tivo que haber libros .
Agora unha de fútboool!!
Solución ás diferenzas
ATENCIÓN:
ATOPADE A XIRAFA QUE NON TEN XEMELGA , FIXÁNDOVOS NAS MANCHAS.
CURIOSIDADES SOBRE AS XIRAFAS
- Son animais mudos , non ten voz, so tosen para conquistar á parella.
- A lingua de medio metro de longa, ademais de usala para coller cousas, limpa as orellas e o nariz con ela para oir e ulir mellor.
- Durmen entre 5 minutos diarios e 2 horas como moito.
- As manchas de cada animal son diferentes das de outro.
- En cada paso avanzan 4 metros ou máis.
- ( ...)
LABERINTO
Xa sabedes que o ano pasado fixo 50 anos da chegada á Lúa de Neil Armstrong, Edwin Aldrin e Michael Collins na nave Apolo XI
Vós, a viaxar para alcanzar estes astros.
MANDALAS
Son debuxos xeómetricos concéntricos que ten a orixe na India e din que nos axudan a concentrarnos, a entreternos, a calmarnos, a ser pacientes, a manter o orden, a ser perseverantes, a prestar atención, a ser creativos... Cantas cousas!!
Escollede unha destas dúas (ou as dúas) e pintádea.
Se vos apetece enviádema, pero non ten porque ser hoxe nin mañán cando a teñades
Mandala de xirafa
Mandala dos unicornios
POR ÚLTIMO, CLICA:
REMATAMOS ESTE CURSO; PERO O VENRES MIRAREDES PORQUE SE CADRA... HAI ALGUNHA SORPRESA.
CHICOS, CHICAS : ATA QUE NOS VEXAMOS
No hay comentarios:
Publicar un comentario