Bos días chicos e chicas, seguro que pensastes que ás profes Lola e Cristina pasáraselles que o venres pasado, o día 5 de xuño, foi o día do medio ambiente. Pois non, o que pasou foi que nos pareceu mellor celebrar o noso segundo "venres espectacular" e pasar o día do medio ambiente para hoxe luns. Por iso, hoxe imos celebrar o noso:
Día do medio ambiente, en diferido
Para entrar en materia imos ver estos dous vídeos que nos van facer pensar:
A que ver estos vídeos deixovos con moitas ganas de traballar para mellorar a situación.?Pois se queredes colaborar a frear o deterioro mediambiental do noso planeta, podes comezar por.
Aplica a "lei dos tres erres":
- Planifica as túas compras: fai unha listaxe. Axudarache a saber o que realmente necesitas, evitarás mercar produtos aos que non lle vaias dar uso e aforrarás diñeiro.
- Escolle os produtos que teñan menos embalaxes.O envoltorio a miúdo encarece o produto e xera un residuo innecesario.
- Ten en conta que os produtos de usar e tirar (coitelas de afeitar, pratos de plástico...) poden parecer cómodos pero xeran un gran volume de residuos e máis gasto para os nosos petos.
- Cando vaias á compra non esquezas o teu carriño ou a saca. Rexeita as bolsas dun só uso.
Catro xeitos de reutilizar no día a día:
- As botellas grandes de refresco poden empregarse como botellas de auga.
- Fronte aos envases plásticos e bricks, é preferible mercar bebidas en envases de vidro que se poden recuperar numerosas veces.
- Na casa temos productos en bo estado que xa non utilizamos: roupa que nos quedou pequena, xoguetes de hai tempo,... Doalos a xente que os precisa é un estupendo xeito de darlles nova vida.
- Coa roupa que xa está gastada podemos facer trapos para a limpeza.
Como reciclar de un xeito efectivo:
- Coñece cantos tipos de colectores hai e que podes depositar en cada un.
- Fai unha boa separación dos residuos na túa casa.
- Deposita cada tipo de residuo no colector correspondente.
E para por en práctica esta sinxela lei, hoxe propoñemosvos tres sinxelas actividades:
1.- Elabora un cartel explicativo sobre os tipos de residuos e os seus colectores. cando o teñas elaborado podes colocalo na cociña para orientar á túa familia. Podes seguir este modelo ou diseñar un ao teu gusto.
2.- Controla o tempo que invirtides na ducha ti e os teus familiares. Para iso podes facer, coa axuda dun adulto, este reloxo de area:
3.- Inspírate neste vídeo unha nova vida ao que xa non uses, para algún dos proxectos precisarás a axuda dun adulto.
4.- Conciencia á túa familia interpretando esta preciosa canción de María Fumasa:
No hay comentarios:
Publicar un comentario